![](https://contlization.com/wp-content/uploads/2018/11/cover.png)
كل فترة بحاول اكتب اى مقال اعرض فيه للناس التطورات السريعه فى مجال ال Container Technology لكن دائما التغيرات بتكون اسرع من كتابه المقالات
حتى شركة Docker نفسها بتعمل كل شهر اصدار جديد ومش عاملين اى كتاب للكورسات بتاعتها ولا حتى للامتحان بتاعها الوحيد بعد ما اصدروه بسبب التغييرات السريعه فى التكنولوجيا اللى لازم يواكبها تتطور فى المنهج
والاغرب من كدة وملاحظ جدا فى الواقع ان كل شركات ال Startup اللى دخلت وعملت اى شئ بيخدم هذا المجال كانت بتطلع بالمنتج بسرعه فى مدة تعتبر متوسطها سنه واحدة من التاسيس ودة مدة قليلة بالنسبه لعمر شركات ال Startup المتعارف علية وهو 3 سنين حتى تصدر منتج وتبدء تبيعه وتحكم عليها هل نجحت او لا
لكن بسبب التغييرات فى السوق فكان لازم السرعه الشديدة لاصدار المنتجات لان بعد 3 سنين اكيد الفكرة اللى كانت من 3 سنين لا تناسب الوقت الحالى
لذلك كان فى دماغى شوية مقالات بس حاليا اصبحوا بدون اى قيمه او داعى علشان كدة خلينا اكتب لكم ايه كان المقال وليه مش كنتبه بسبب حدث معين
- حرب ال Container Engine
دة مقال كنت هتكلم فيه عن الحرب بين عدة شركات عملت Container Engine زى ما عملت شركة Docker لكن على ارض الواقع هنلاقى مشاريع عملت او بتحاول تعمل حاجة زيه وكانت مشاريع ناجحه ومازات مستمرة حتى الان لكن الواقع فى الاستخدام بيقول لنا ان Docker مسيطرة سيطرة باكتساح عن اى شركة وكل الشركات الكبيرة بتستخدمه بشكل تلقائى فى منتجاتها زى Microsoft , VMware , Redhat , Suse , وغيرها كتير ( ملحوظه شركة Docker مش كسبت من الشركات دى اى شئ لانهم مستخدمين النسخه المجانيه وهما بيدعموها بال Support من عندهم )
والمستقبل القريب بيقول ان مفيش شئ هيتغير فى هذا المجال لكن على المستوى المتوسط والمستقبل البعيد كل شئ متوقع ولا يوجد ثوابت
- حرب ال orchestrator
كان دة موضوع شوفت ليه فيديوهات كتير على اليوتبوب وناس كتير عملت فيه فيديوهات ومقارنات بين ال orchestrator ومين فيهم الافضل وكان كل شركة بتعمل لها واحد تشتغل بيه ولم لا يعرف دورة هو ايه هو عبارة عن ان بيبنى كلاستر بين ال Node وبيعمل انشاء لل Container باعداد ضخمه وعمل Services وعمل Update and Upgrade ليهم وحاجات تانيه كتير
المهم بعد كل الحرب دية والمقارنات التى مازالت موجودة نعلن نتيجه الحرب وانتصار ال Kubernetes انتصار ساحق امام كل اعداءه بالضربه القاضيه حتى شركة Docker اللى كانت عامله منافس له وهو ال Swarm اصبحت شغاله بيه
ودة طبعا لم ياتى من فراغ وانما جاء من ان Kubernetes دة شركة Google عملته من اجل انها تستخدمه فى ادارة الداتا سنتر بتاعتهم فتصوروا حجمه وامكانياته اللى كانت بتعمل مليارات ال Container ولا ابالغ فى الرقم – لذلك عندما طرحت شركة جوجل هذا المنتج بشكل مجانى للجميع كان قدراته اكبر من طموحاتنا فلم يكن هناك منافس فى الحقيقة يقف امامه
فالنتيجة ان كل الشركات بتستخدمه كاداه orchestratorلكى يعمل فوق ال Docker
- هل شركة Docker سوف تنتهى قريب:
هذا المقال كنت هكتبه من سنه تقريبا بسبب ان كان فيه مشاكل فى الشركة بسبب انها اخدت تمويل ضخم جدا وصل ل 600 مليون دولار ودة رقم ضخم جدا بالنسبه لشركة Startup in IT مش شركة سيارات او مقاولات . المهم ان بعد التمويل دة ومرور بدل مش 3 لا وصلنا ل 4 سنين وكان اداء الشركه سى جدا من ناحيه الارباخ والمبيعات ودة ليه اسباب كتير اهمها : انهم كانوا مركزين على التكنولوجيا وليس على السوق وبيعملوا نسخه مجانيه فيها كل شئ ما عدا الدعم الفنى للجميع فكانت الشركات الاخرى تاخد هذا المنتج وتضيف عليه بعض الاضافات مثل Rancher , Openshift , Suse وتبيعه للعملاء وتكسب هى اكتر من شركة Docker اللى تعبت علشان تعمله اصلا
وسبب اخر : وهو انهم كانوا دائما مقصرين فى تطوير ال Container Platform بتاعهم وسايبنه ضعيف جدا وبامكانيات ضعيفة مقارتنا بمنتجات خاصة بشركات تانيه اصغير من Docker عشرات المرات مثل شركة Rancher
المهم ان دة خلى المستثمرين فى النهايه يرفعوا الرايه الحمراء للمديرين المسئولين عن الشركة لانها ليست شركة مفتوحه لله وتم تغيير ال CEO ومن بعدها بشهور تم الاطاحه بمؤسس الشركة نفسها وصاحب الفكرة . لان طبعا كل العمل بيدور فى النهايه حول المال وهم دفعوا كتير ومنتظرين الارباح
حتى الان وبعد هذة التغييرات لا ارى اى تغيير فى سياسه الشركة او فى طرحها لمنتجات جديدة او تطوير القديمه وانما تحسينات بسيطة وعاديه على المنتجات الحاليه لن تشبع ولا تغنى من جوع للمتستثمرين واخر مرحله من التمويل كانت من شهور ولا اتوقع اى تمويل جديد سوف تحصل عليه الشركة من اى حد ولو استمر هذا الوضع سوف تباع الشركة بثمن بخس او يتم اغلاقها
طبعا كل دة ملوش علاقه بقريب او من بعيد ان التكنولوجيا ناجحه او فاشلة دة للتوضيح لحبايبنا الحلوين اللى مش بيشوفوا الا العناوين وهيروح يجرى يكتب ان Docker عنها مشاكل او هتقفل وان تكنولوجيا ال Container فشلت والكلام الطفولى دة ( اللى فاهم طبعا عارف ان ال Container technology اقدرم من شركة Docker نفسها بسنين كتير جدا (
- شركة Microsoft مثل غيرها بتعمل على حجز مقعد لها وتاخد لها قطعه من السوق الخاص بال Container وبدءات بالدخول بالفعل على استيحاء مع ال دعم ل Docker مع ال Windows Server 2016 لكن كان المشكلة معها فى حاجتين
الاولى : انها بتدعم فقط التطبيقات التى تعمل على Windows فقط ومفيش اى شركه كانت بتعمل لها Container يعمل عليها
الثانيه : ان ال Container بتاعها كان ضخم جدا مقارتنا باللينكس فمثلا علشان تعمل Container for IIS هتجد ان حجمه بالجيجا مقارتنا لو استخدمت Apache هتجد حجمه بالميجا فعامل السرعه والرشاقه اللى كانت اهم مميزات ال Container تم فقدة مع مايكروسوفت
لذل كما سمعت وقرأت لكن لم اشاهدة بنفسى ان فى الاصدار الجديدة من Windows server 2019 سوف يكون هناك دمج لل Linux Kernel مع ال Windows Kernel لكى يدعم ال Container التى تعمل على لينكس
حتى الان هذا كلام يتناقل وليس اكيد مئه فى المئه او بشكل فنى كيف يعمل – هذا ما سوف نراه فى الاصدار الجديد الذى سوف يصدر خلال اشهر
- كتحديث على الرد على السؤال التقليدى عن هل فيه شركات بتستخدم ال Container Technology وهل فيه فرص عمل طبعا كلامنا عن منطقتنا العربيه بشكل عام مع وجود تباين فى بعض الدول لكن من خلال عملى فى الخليج العربى ومعرفتى بالعاملين فى المجال والسوق اقدر اقول لك ان فيه فرص عمل هائله خلال الفترة القادمه وفيه شركات بالفعل استخدمه هذة التكنولوجيا وهناك عشرات الشركات الكبيرة بدءات فى دراسه التكنولوجيا ووضعت لها ميزانيه وبعضها بدئها فى ال POC والبعض بدئ فى تجربتها فى test enviro لذلك الموضوع كما قلت هو مسأله وقت مش اكتر والوقت هنا تحول من سنوات الى شهور
فالسؤال هنا هل انت مستعد ولا مازلت منتظر الوظيفه ثم تجرى كالمجنون لكى تحصل عليها وبالطبع لن نتنظرك وتذهب للمستعد لها
دية بعض المواضيع والخواطر اللى جاءات فى دماغى حاليا وكنت اخطط ان اعمل مقالات عنها فتقبلوها منى كملاحظات منى مش اكتر واسف على التقصير والاختصار
بالتوفيق للجميع